السلام عليكم ورحمة الله وبركاته,,
صبحكم الله بالنور\مساكم الله بالخير
شحالكم عساكم طيبين؟
إن شاء الكل مرتاح ومستانس شراتي ^^
اليوم كان بس عندي ساعة وحده في الجامعة..
أنا طالبة في جامعة الامارت العربية المتحدة..سنة ثالثة وان شاء اتخرج وأيب معدل يرفع الراس >> أحلام فقارى..
أدرس في كلية العلوم الانسانية.. ولا بعد تخصصي آداب أنجليزي >> الله يوفقني بس..
أنا عايبني التخصص مير بعض الاساتذه الموجودين اللي يغلسون عليك ويكرهونك في التخصص : (
اليوم صدق تعبت.. بنت عمي قالت لي أسحب لها كتب من المكتبة,, والأخت روح العين نست تشل البطاقة>> قلت والله بترحمني يخربيتهاا
قالت القانون قانون,, طبعاً بطاقتي في المبني الثاني والمسافة صدق بعيده,, أشك أني وزني نقص لووول
وعاد الجو حدث لا حرج.. بس الحمدالله سحبتهن وخلصت..
هذا لليوم.. اشوفكم على خير أن شاء الله
ليست هناك تعليقات:
إرسال تعليق