ولا شئ يديد..

++ الحمدالله على كل شئ..

صحيح أن المطر اللي نزل اليوم ما ينذكر

بس والله شو استانست.. الحمدالله

..

.

++ اليوم أهلي طلعوا صوب العمره >> يردون بالسلامة أن شاء الله..وعمرة مقبولة مقدماً

يعني البيت ما فيه حد وأنا يالسه أطقق في هذا الكمبيوتر خخخ

قلت بتسكع في النت قبل لا روح بيت ريلي..

طبعاً لأن ما عندي نت في البيت نتظر الفرج على قولتهم : (

والله الكل قام يسافر شكلهم يشردون من الحر اللي عندنا لووول

::

:

++ اسمع نشيده من اختيار مستر مطوع

الأخ مسافر الهند.. يرجع بالسلامة ان شاء الله

انا بعد غرت وخاطريه أروح الهند أو سيريلنكا

ما اعرف ليش يضحكون علي يوم أقول أريد أروح هناك

بس والله تراهن جداً روعة هذي البلدان

مير عن الوصاخة حدث ولا حرج خخخخ

الله يسر أمورنا ونسافر ان شاء الله ^^

..

.

++ اشتقت لعويد البان..

في خاطري أيلس معاها يلسه محترمة

وأعرف أخبارها..

بعدها في شهر العسل الأخت >_<

..

.

++ أن الرقم الذي طلبته مغلق حالياً يرجى الاتصال فيما بعد

أعتقد جذا يقولونها أذا ما نقعت من عندي خخخ

المهم

أنا ما أحب أدق فون حق حد ويقولي هذي الجملة

أول شئ انقهر وخلاف أتروع وأيلس أحاتي يمكن شئ صاير لهم

اليوم دقيت حق غروك فون

أحيد عندها فاينل اليوم وبغيت أعرف شو سوت؟

بس الحبيبه غالقة الجهاز : (

..

.

++ من قبل شوي وصلت حرمة أخوي بيت أختها

دقيت الصدر لها وقلت موتر أخوي موجود أفا عليج خخخخ

طلعت أعرف أسوق ما شاء الله علي..

مير الليسن ما اعرف متى بخذه : (

يخربيته من ليسن..

لو يخلونا نسوق السياير من دون الليسن

يا حبيبي

فوضى الدنيا خخخخ

..

.

الله يبارك فيكم خخخ

أحساس غريب وأنا أقوم بزيارة المدونة..

منذ فتره طويلة تركتها.. والسبب هو مشروعي لهذا الصيف >> غريبة التسمية خخخخ

غير ذلك الصعوبة في إيجاد شبكة اتصال بالأنترنت..

قبل تاريخ 10\7\2008 محاولة أخي لعلاجي من إدماني للشكبة العنكبوتية

وبالفعل نجحت الطريقة بطريقة ما لكن قد اتجهت لقراءة الكتب السياسية >> غريبة مب من طبايعي مير من قلة الشغل والملل خخخ

وبعد فتره صرت مدمنة تلفزيون نمبر ون ما خليت شئ ما تابعته لووول

لكن كانت أيام ولا أحلى صارت لي وقت أكثر للجلوس مع Family

وأحلى شئ متابعة فترة الأطفال " الرسوم المتحركة مع اليهالوووه "

::

::

أسأل الله التوفيق في حياتي الجديدة ويوفق الجميع معي..

خلونا نغير الموجه خيخيخيخيييي

ما قدرت أتابع ألا باللغة العامية.. خانتني كلماتي ما أدري وين شردت..

المووهييييم

ما كنت متوقعة ذاك اليوم يمر بسهوله والحمدالله صار كل شئ صح الصح

وكان العرس ترتبيشن

استانسنا ورقصنا وسوينا كل شئ خخخ

عاد أنا صدق نسيت أني العرووس يوم شفت ربيعاتي كلهن تيمعن

ما حضرن في البداية على أساس يمرن أول شئ على عويد البان اللي كان عرسها بعد في نفس اليوم

>> العرس جماعي كان

تأخرن علي فقلت في خاطري نقعن خيانه وما بين العرس

بس والله ما قصرن والحبيبه غروك شاده حيلها..

فديتهن والله ما قصرن صدق أني اشتقت لهن وايد : (

::

::

ما أدري اذا أقدر أقول أشياء ثانيه خخخ

مثل ما تقولون خلونا نحطي خطوط حمرا وما نتعدى عليهاا

..

الشيء اللي قهرني المنتدي : (

يخربيته شو صار له ما أدري.. وكل يوم أمي تتخبرني شخبارهم عيالج تتمصخر علي ..

شكل الشركة سكرت أو شئ صار من وراي

يعني مب زعلانه عليه وايد لأني ما تعبت عليه..

حصلت عليه من غير تعب..

بس كان مثل الملجأ نتيمع فيه..

وما بنسى شقى حالى فديتها ما قصرت ويااي..

من دونها حياتي خرده ما تسوى..

..

.

طبعاً بسبب الظروف والأعاصير وعوامل التجوية التعرية

ما سوينا شهر عسل : (

كان تقريبا خمسة أيام عندنا..

والإمارات وايد يمدحونهاا فتسكعنا في ربوع دولتنا الحبيبة..

سرنا قصر الإمارات وكانت أول زيارة لي..

كان في قمة الروعة القصر..

حبيته من صماصيم ألبي ^^

ونحن في الطريق ما أدري ليش كان في بالي

أني بشوف محمد بن زايد وبسلم عليه..

لكن ما صار اللي توقعته خخخ <<< مينونه وين تبين

بس والله كان وناسه >> مع أن الجو ما يساعد بس الحمدالله على كل حال ^^

..

.

ضريبة الدخول تباركون لي ^^

ولي عودة أن شاء الله لكن أن شاء الله ما تكون غيبة طويلة..