الفال زراعة ^^

الله يعدي هذا الكورس على خير..

ضغط الإمتحانات وتسليم البروجكتات..

لدرجة أني مب رايمة أدرس..

عفت شيء أسمه دراسه..

بس والله يوم أتذكر شو سويت أمس أضحك على عمري خخخخ

أمس كان عندي ميدتيرم American 19th

ولأني راسبه في كويز ون قلت بشد حيلي في الميدتيرم ومن يومين أدرسه

لكن دراستي ذهبت هباءً منثوراً

فقررت أبرشم على الأقل بس أنجح عسب ما أعيد الكورس

وقبل لا أرقد سويت لي كمين برشومه محترمة..ورقدت في سابع نومه ^^

وحان وقت الإمتحان اللي كان هو أمس

وربيعتي تدرس وشاده حيلهآ وأنا محطيه ريولي فـ ماي بارد ع قولتهم..

الإمتحان بس سؤالين >> يخربيته وايد زطي..

الأول توصيل والحمدالله عرفت النص

والسؤال الثاني Quotations وطبعاً أنا أصلا ما أحيد النصوص ولا الكتاب

خخخخ وأختاري خمسه من أصل سبعه

في خاطريه أقول عادي أختار واحد بس..

هذا كله لأني بغيت أغش : (

..

واليوم بعد عندي كويز وهذا الدكتور ما يحب يحطي ألا المقالي..

تعبت من كثر ما كتبت وخلاف سلمت الورقه..الله يستر

..

وباجر عندي بعد ميدتيرم>> أفففففف

الله يوفق اليمع أن شاء الله..

..

وفي الحلقة الأخيرة ع قولة أمي الفال زراعة..

وأن شاء الله بنجح

وبعدي هذا الكورس على خير ^^

دار راسي من الدواوير..

بداية أسبوع يديد..

وبداية شهر يديد..

وصباح جميل نداوم فيه..حبيته من صماصيم ألبي ^^

لكن شيء واحد مب حلو في الباص>>لازم شيء يخرب الصورة

يا أخي شو هذي الدواير>> جمع دوار

ستين ألف دورا قبل لا نوصل الجامعة..

بصراحة فوق العشر دواوير خطفنا عليهن

وهذا الدريول اليوم شكله بسوي بنا حادث

ما أدري شو يتحرى عنده من السياير..

يا عمي ألا باص وين تباا!!

..

.

أنا عن نفسي الدوار أشوفه سبب من أساب وقوع الحودث

لأن مب كل واحد يعرف يدخل الدوار صح ويطلع منه أيضاً بالطريقة الصحيحة..

يعني لو يخفون منهن أحسن..ويخلون بدالهن تقاطع أو ما أدري شو يقولون؟

>>> على كيفي.. أريد أمشي الدنيا على الجانب اللي يريحني ^^

..

.

ولو تخلونا نرمس عن الدوار اللي مسبب زحمة في العين

أكيد بكون دوار المدارس الخاصة..

المفروض يسون جسر أو نفق وبهذي الطريقة حبتين بتخف الزحمة..

..

.

الزحمة صايرة في كل مكان وفي كل وقت..

وطبعاً هذا من كثر السياير الموجوده..

من يومين سرنا السوق.. وكرهت السوق والسبب هذي الزحمة الأرف..

لكن هذي المره مب من كثرالسياير لكن من عملية الهدم والبناء للشوارع..

وما أدري متى ناوين يخلصون!!

..

.

خلاصة كلامي اللي ممكن أطلع منه

هناك عدة أسباب ممكن ترفع الضغط في شوارع العين..

الدواوير

وخاصةً دوارالمدارس الخاصة..الفترة الصباحة وفترة الظهر

التحويلات

المطبات وخاصةً من النوع الــ XXXL

امممم وشيء أخير بعد..

يوم تلف يمين أو يسار وأنت تسوق السيارة..وما تشوف حد من أهل البلاد!!

هذا الشيء يسبب ضغط أسبيشل..