بداياتي

السلام عليكم ورحمة الله وبركاته

فكرة أني أسوي مدونه في بالي من زمان,, بس دوم متردده :)
واليوم الحمدالله سويتها وجان استانس عليهاا خخخخ

المهم خلونا نعرف من هي روح العـين ؟

روح العـين..
من مواليد 1987
طبعاً وأكيد من العـين دآر الزين..

طالبة في جامعة الإمارات..
تخصص: أدب أنجليزي..

أحلى مكان عندي في العين يبل حفيت >>> وأحلي يلسه فوق أخر شئ..
ما أحب وايد أتسكع.. أفضل اليلسه في البيت..
واذا فكرت أغير جو.. البر أحلى مكان للتغير والترفيه ^^

أحب الإستزادة والإستفادة من تجارب الآخرين ، لتطوير تجربتي التي أسعى لها..
أقبل الإنتقاد البناء والصادق للمضي قدماً ، وليس لغرض الهدم و التجريح..

شعاري في الحياة " اللي يبا يخترب ما يتريا حد يدزه " <<< عقله في راسه ويعرف الصح من الغلط..
والله بعد هذا اللي ناقص يضيع ويخترب ويرد اللوم على صاحبه !!

اممم فيني فضول فضيع..
أحب أعرف كل شئ..
لأني ما أحب أكون مع جماعة يالسة ويتكلمون عن شئ أنا ما اعرفه..

حبي الكبير للمواضيع الساخره..
في بداية عشقي للتصوير.. أتمنى ولو ابدع بالبسيط منه..

هدفي من المدونة:
مكان ألجأ فيه..
أعبر عن ما في داخلي..
كتابة ما يدور من حولي..
هرباً من المنتديات اللي طفرتبي :(

ولربما تكون مدونتي بسيطه لكن مشاركتم لي تزيد من حبي للكتابة..







اممم ما عندي شئ أقوله اليوم مير اتريوني المرات اليايه,,


استودعكم في حفظ الله