التطور = الخمر

مساكم الله بالنور..

يخربيته من مرض والله تعبت..

شحلات يوم اليمعه.. الحلو فيه لأن الأهل يتيمعون..

..

تقريبا قبل ساعتين المنتدي مالي ما طاع بفج!! ساعات تيه حالات يطفربي.. ويا راسه بس مب لهاي الدرجه..

منتداي اسمه حفيت للي حاب يعرف >> ألا أبا اسوي أعلانات حق منتداي خخخخخ لا تلوموني أدور على أعضاء توني في بداية طرقي.. الله يوفق اليميع بس..

..

المهم _ ما أدري كيف فتحت عن موضوع الخمر وكيف أنه صار منتشر في دولة الامارات والدول العربية بشكل كبير..

طبعاً كلنا نتطور ونواكب هذا التطور بس عاد مب لهاي الدرجة.. أنا بصراحه مب عايبني يعني عادي لو بغيت تشرب سير على أقرب فتدق وهناك يفتحون أبواب الخمر والله حاله..

يعني هذا كله اللي نسويه حق عيال الحمره بأعتبار الجنسيات تختلف والأديان بعد وشرط عسب السياحه بما أن دبي مشهوره سياحياً وألحينه لاحقتنها أبوظبي >> الله يطول بعمل شيوخنا..

..

عيبني شو قال محمد بن راشد أو بما معناه.. هذا كوب الخمر وهذا كوب الماي والإنسان أدري بمصلحته >> كلام منطقي أنا أقول اللي يبا يخترب ما يتريا حد يخربه لأن الإنسان عنده عقل ويعرف الصح من الغلط.. لكن خلونا شوي منطقين يعني الإنسان اللي بيشرب بيحسبها لبعدين ما اعتقد.. يعني هو بحسبها حق ذيج الساعة يعني هو أبد ما بيتخيل أنه بس لو مره وحده ممكن يهرب بيوت لأن السالفه فيها مره ثانيه وثالثه بس تجربه لحد ما تصير السالفه أدمان.. والله يستر من العواقب اللي ممكن تصير بعدهاا..

..

السؤال اللي يطرح نفسه يعني عسب نواكب عصر التطور والتقدم لازم ننشر الخمور في بلادنا؟

وبعدين لا تنسون مجتمعنا شبابي.. يعني لو فسد شبابنا شو بيكون المستقبل؟

,’

,’

,’

خلاص أحس خشمي سكر.. وحلقني بعد يعورني شو ها الأرف

خاطريه في محشي ^^

أنا أصلا لا كنت أحبه ولا خبر.. مير الله يسامح ربيعتي من يوم ذقت مالها صار عندي أدمان محشي ورق عنب وكوسا يم يمي ^^

واليوم سويته وظبط معاي ولا أحترق.. كل مره يحترق عني : (

بس بعده مب مثل طعم اللي تسويه ربيعتي>> وعاد هي ذالتني ويا راسها

بس والله لو تسوي لها مطبخ للمحاشي بتستربح منه أحسن من دراسة الجامعة >> لو تسمعني بتقول هيه ماشئ شغل لووول