مني ومنااك

++ قمت العصر على تلفوني اللي ما سكت..

وكانت شوشو بعد محتشره ما ادري شو عندها؟

..

رديت عليها شحالج شخبارج؟

أونه أكيد راقده..

يعني شو ها السؤال أكيدين مب ألا أكيد !!

من فتره أكتشفت أن الرقاد يطير الملل ^^

شاطره ما شاء الله علي لووول

بس صعقني سؤالها منو عندكم مات؟

بسم الله شو هاااه !!

أنا: محد عندنا مات

قالت لا في شعبيتكم سمعنا حد توفى..

قلت لها محد غير اللي مسوين حادث عند شارع حفيت

وكان الاسبوع اللي طاف..

-الله يرحمهم-

قلت لها عندي بشاره أحلى من هذا الطاري

الجوهر الصافي زيدت ولد ^^ - تستاهل السلامة الغالية-

قالت أنزين عفنتي من الرقاد بس قومي بعد وراج صلاة..

طوووط

انتهت المكالمة لكن الفضول فيني

قمت على طول وحدرت تحت أتخبر أمي..

الوالده الله يطول بعمرهاا ما وحت اتخبرها ألا وقالت أنتي مب متفيجه من الرقاد :(

وخبرتني منو الريال اللي توفى بعد ما هزبتني طبعاً ومحاظره طويله عريضه

خخخخ ما بتطلع أمي طبيعية اذا ما نقدت على بشئ..

المهم

وعلى طول رديت وخبرت شوشو عن الريال المتوفي

-الله يرحمه ويصبر أهله-

الله خذت أمانته الظهر

الأخبار الشينه على طول تنتشر..

’,

’,

’,

’,

خاطريه في بيبسي أحس بطني متروس والسبب هذا الفول..

حد يتعشى فول!!

فول مش معقول

مير مع البصل والطمام والزيتونات

يا حبيبي شو حلاته :)