موال السرعة..

++ صحيح أن الموت حق..
والموت كاس الكل شارب منه..

ومثل بعد ما يقولون المعشره ضامة

لكن لي متى ؟!

..

من فتره سمعت بحادث اللي صار على شارع يبل حفيت

وطبعاً راح فيها ثلاثة من الشباب - الله يرحمهم ويصبر هلهم -

وكلهم تحت سن العشرين سنه..

واحد منهم 18 واثنين 17 هذا اللي سمعته

والحادث كان سببه السرعه

صحيح أن يومهم مكتوب..

لكن

مب جيه!!

..

"تذكرت ناس الله يرحمهم"

..

هذي مب أول مره أغلب الحوادث دووم تصير على شارع حفيت

أحسه من قلة أهتمام السائقين..

يعني تشوفه مسرع طبعاً لأن الشارع تقريباً فاضي

مع الشاحنات بكل أحجامها المتواجده بكثره

ولا يحاسب أبداً

يريدون يوصلون بسرعة..

على شو مستعيلين ما أدري؟؟

..

أكثر شئ تروعني اللفه >> المنعطف

والكل يحذر منها بس منو يسمع!!

واللي أعرفه بعد وحسيت فيه وجود مطباات خفيفه

ما أدري أذا الشارع خربان من كثر الشاحنات ما تمر عليه؟

لكن تحس فيها..

يعني لو كنت مسرع عادي يقلب الموتر والسبب هذي المطبات!!

..

خالي اليوم زارنا وياب طاري هذا الحادث

قال أنا أول يوم لي في الدوام >> أعتقد في المباحث هو

على سنة 2002

شفت هندي متوفي

ويلست يومين أتخيله مب رايم أرقد

لكن ألحينه صار عندي عادي

من كثر اللي أشوفه..

..

اذا كنا بنتكلم عن الوعي تراه الوعي موجود

بس أحسهم غافلين

بعض أمهات ما يهون على عيالهم ما يلبونهم طلب

حتى ولو كان يضر في مصلحتهم

الموتر يقدر يحصله قبل الليسن

أونه ما يهون علي..ويحتاي حق حد

يا حبيبي!!

وخلاف اذا فات الفوت ما ينفع الصوت

..

++ السيارة وسيلة هذا مفهومها..

لكن البعض يختلف عندهم هذا المفهوم..