مني ومنااك

++ حاولت أرقد مير ما قدرت..

مشكله الواحد يوم يتعود على السهر >> مب دوم يمدحونه : (

يعني عن نفسي أذا عدت الساعة 12 وأنا ما راقده يعني لازم أسهر على الأقل لحد صلاة الفجر

والحمدالله أني أنتظر وقت الصلاة حتى ما أروح فيها أرقاد..

بس مب دووم..

..

شو هااه الأرففف

صحيح أن الإجازة الصيفية بدت بس المفروض نكون فيها مستانسين

>>> تذكرت أيام سبيس توون يوم تحط لنا أغاني أستعداداً للصيف خخخخ

..

++ من يومين أحاول أخلص روايه بس مب قادره..

ملائكة وشياطين لداون براون

فيني فضول أريد أعرف شو بيصير أخر شئ!!

..

++ الشئ اللي سويته في الإجازة بعد ما عرفت أني ناجحه في مساقاتي

وصفيتهن كلهن B

السوق خخخ

ما شاء الله علي من سوق لسوق

مشروعي لهذا الصيف أني أجهز لعرسي اللي ما بقى منه أقل من شهر..

)(

)(

>>> ما أعرف ليش أحب أسمع نشيدة يا شاعر الأطفال

لأسامة الصافي

كتير بحبهااآ ^^

..

++ تقريباً من أسبوع الجو حلو على صلاة المغرب واليلسه خاري أحلى شئ..

وطبعاً ما شئ شغل.. فقلت حق أمي بنروح نمشي في الحاره أونه على اساس رياضه

أمحق من رياضة خخخ

على الأقل تغير جوو ^^

أمس أمي ما راحت معانا بس رحت أنا وخواتي ثنتين صغار وخبرت الخدامة بعد تروح ويانا..

من الأساس الوالده مب مخليتنا نروح بروحناا

بس يلست على راسها لحد ما قالت روحي وفكيني من صدعتج لوول

وإذ نحن بطريق العوده موتر من خلفنا يمشي على أقل من مهله..

>> خيبه بلاني قلبت لغة فصحى

المهم

ولا بعد مولع ليتاته..عنبووه كاشفنا

حتى أنا أستحيت وتغشيت ويا راسه كنت مستانسه بالجو

ع قولتهم الجو بديع والدنيا ربيع خخخخ ما أدري اذا يبتها صح

ولا شويه مطول على مسجل موتره ومحطي محمد عبده

يا حبيبي !!

والله ناس فاضيه.. عاد من شفتها السالفه مصخت

شغلت التيربو >> صدق أني ربعت من الخاطر لوول

وردينا البيت : (

..

++ "بعيداً عن العين بعيداً عن القلب"

كنت أقول مستحيل جي يصير !!

مير ألحينه تصير وايد ..

...

..

.