الجامعة ما عايبتني

جميل أن تنهي ما بدأت منه..

وأقصد بهذا شئ التخرج من الجامعة..

خلال هذا الأسبوعين الجميع ينافس الآخر في وضع أجمل وأروع بطاقة تهنئة للخريجة..

ترى أشكال وألوان من هذه البوسترات بالأصح..

>> ما أدري ليش أدور في البوسترات على اسمي يمكن أنا بتخرج وما أدري يبون يسون لي سبرايز خخخخ

وايد أحلم..



أمس وضعت بوستر لبنت عمي خريجة هذا الكورس..

الحمدالله أفتكت من الدراسة..

مع أن الدراسة شئ جميل لكن ليس في جامعتنا,,

بعض القوانين أود تغيرها.. ثم لنرى كيف تصبح الجامعة!!

الغيابات منو أخترعهن في جامعة..

كل حد مسؤول عن نفسه لا يوجد داعي لحضوره كل المحاضرات

يعني لو لم يحضر الملام الوحيد هنا الطالب..



وثم قانون ارجاع الكتب..

بصراحة أنا أحب أخربش في بعض الكتب.. لكن قانون أن الكتب تعود نظيفه بلا شخبوطة وحده

نقول هذا القانون من مصلحة الطالب على أساس يستفيد الطالب الأخر..

لكن ما شعورك عندما تستلم كتب أعوذ بالله من شكلها مع أنك سلمت الكتب في قمة النظافة..

شئ محبط والله

>>أذكر مره عاطيني نسخة مب واضحة..قلت للزول بس لو سمحت حتى ما فلحت رمستي كلها

كلني خيبه.. قعد يصارخ وحتى والله ما فهمت شو يقول..بس اللي فهمته أنه ما ببدل لي النسخة : (

قلت له حشى ما قلت شئ خلاص انزين مب لازم تصارخ علي عطني من الأخر شئ ولا ما شئ

يلس يطالعني ويا راسه.. وروحت عنه

>> شئ يقهر والله : (

امممم بعد الأكل اللي عندهم مب شئ خخخخ همني بطني أهم شئ عندي الأكل خخخخ

وهاي سالفة المشرفات اللي يفتشن ع الباصات المسا قامن يقتشن الصبح بعد والله متفيجات
ما ألومهن ما شئ شغل خخخ

يعني وايد أشياء غيرها بس لمنو أقول..
وغير ذلك البيئة الصفية ما تساعد على الدراسة >> حلوه هاي البيئة الصفية
بس والله نكون في الكلاس ننطبخ ما ندرس

وتذكرت بعد درج مسوي رعب للبنات.. الكل يخاف يطيح منه..
هذا الدرج مبنى مخج يعني والله شكله خطأ..

والله المبني المفضل عندي في الجامعة مبنى 80 لكن الشئ اللي يقهر ولا كلاس عندي فيه..
الحلو فيه الكفتريات والنت موجود..

++ والله شئ سخيف في بداية مقالي باللغة العربية الفصحى وخلاف دمرت لووول