يخربيتها من دنيا

يخربيتها من دنيا...

اممم اليوم ربيعتي تقول يا مكثر الذنوب اللي محصلينها من هاي الجامعة..

وانا أحسبها في راسي مب ألا في الجامعة خيبه وايد أشياء أسويها ولا أحاسب حق آخرتي..

خلاص أنا أوراقي قبلوها في نار جهنم..

والله دنيا أرففف محد متهني في دنيااه..

>>> المود اليوم خربان بالقو.. والمنتدي عندي خربان ما أعرف شو بلاه؟



خخخخ تذكرت سالفة د.خليفة السويدي

يوم الثلاثاء ربيعتي ناسيه كتابها مال الأمريكن سرفي في الكلاس.. وراحت تيبه وما شاء الله الكتاب من الحجم العائلي.. ويوم شافه قال لها خيبه شو كتابه هذا قالت لها مال عيال الحمره ولا بعدي عندي أثنينه شراته.. قال خيبه انا هذا لو عقيته على راس كافر أسلم ههههههههه والكل اللي في الكلاس ضحك..

ما أدري ليش أحس عنده شخصية هذا الدكتور ولا بعد أحب برنامجه اللي يعرض على قناة بوظبي..

ان شاء الله أسجل عنده كلاس حر قبل لا أتخرج...

بس صدموني اليوم يوم قالت لي ربيعتي أنه بعرس؟؟

مع العلم انه معرس مير بياخذ السكرتيره مالته >>> يا أخي من ما يعجب بشخصيته خخخخ


على طاري الحرمة الثانيه..
حطيت في منتداي موضوع عن كيفية حل مشكلة الخلل في التركيبه اللي عندنا في الدولة..
وكان الحل الحرمة الثانية.. مع زيادة علاوة الأبناء..
لأن حريم هاي الأيام تيب لها اذا كثرت 4 عيال ما تزيد عنهم..
أنا ما بقول بهذا الحل بنحل المشكلة..لأن ما شئ حل من دون سلبيات..بس مثل ما أسميه عبارة عن اثبات الوطنية : )
>> حركة يديده الصراحة لأثبات الوطنية خخخخ هذا اللي طلع معاي
بس ليش معظم البنات عارضن الفكره.. والله انا عن نفسي اذا قال جدامي بعرس عليج أحسها أهون من أن أدري بعدين من وراي ولا من حد ثاني بعد..
بس كل منا وجهة نظره..