وسقط الكعب سهواً ^^

السلام عليكم والرحمة

مساكم الله بالنور والسرور,,
شحالكم؟ عساكم طيبين؟
أنا الحمدالله ما أشكي باس.. نشقح وننطح >> ما أدري منو أتحرى عمري خخخخ

خلاص صدق مقفله وألايد أرقد مير بعد أريد أشوف مسلسل نور>> واآيد أحبـه..
أمس ما راقده.. أوني بخلص كتابة السين - المشهد - حق كلاس الدراما وبخلص كتابة موضوع مال extended family حق راندي وعندي بعد كان برزنتيشن >> شعاري في الحياة أجل عمل اليوم إلى الغذ لووول
المهم ع الساعة أربع ونص الفير حسيت ما عندي وقت >> مشكله اللي ما يعرف يظهر من النت هع هع فحاولت أخلص شئ من شئ.. والحمدالله حسيت عمري أوكي في البرزنتيشن ---> المهم عرفت شو أقول يوم أوقف وايد علي الصراحة خخخ

مير شو الشئ الأسبشل اللي صار اليوم ههههههههههه والله لحد ألحينه أتذكر حال ربيعتي - اللهم لا شماته - قاعدين في كلاس الساعه 9 مال writting حق راندي والحبيبه سرحانه ما ادري في شو خخخ وشوي تقول : أنكسر كعب البوت !!
أنا في البداية ما صدقتها مير يوم شفتها كسرت خاطريه.. مب حلوه أطيحين في مثل هذي المواقف : (
أنا على طول رد بذاكرتي سالفة الدبور : ( يخربيته من يوم.. لا أحبه.. بس هي بحركه ركبته مكانه ونسينا السالفة خخخخخ

بخبركم سالفة الدبور الله يسلمكم :
طبعاً دومي متأخره ومستعيله عسب الباص ما يروح عني ولبست البوت مالي اللي كان بايت طول الليل برع ---> 6:40 الباص جدام البيت.. وتقريباً ساعة كاملة خذت لحد ما نوصل الجامعة.. انزين,, نزلت من الباص رايحين صوب مقر الشلة انا وربيعاتي قبل لا نروح للكلاسات وأحس بشئ يتحرك بين أصبوعي في البوت وأنا ألعب به بصبوعي >> ما قلت بتأكد شوو هذا ؟؟ لحد ما شئ لدغني وذيج الساع لو شفتوني فريت كتبي وعلى طول فصخت البوت والكل يطالع بلاها الهبله.. وشويه أن دبور يطلع من البوت ويا راسه حي بعده ما مات وع قولت ربيعتي طلع مدوخ لدرجه أنه قال مياو تتمصخر علي يالسه ويا راسهاا وأنا شوي وبصيح.. بس والله أذكر ذاك اليوم صار حفلة بلايا كيكه ولا بعد رحت العيادة وحطت عليه مرهم وخلاف لفت عليه >> يقول ضربة مدفع مب دبوور

مره ثانيه تبطل الكعب ع الساعه 11 وجدام المبني اللي عندنا كلاس فيه ما ادري كيف نسينا وما خذنا له سبرقلو ولزقناه.. يحليله مكتوب عليها أتمصخر وأضحك عليها عسب أبرد فوادي من سالفة الدبور >> هي ما خلت حد ما خبرته : (
أنزين انا ودرتها لأنه كان عندي شرح ومتأخره ع الكلاس.. دقيت حق ربيعتي عسب تشتري لها سبرقلو وتلاقيها جدام المبنى.. يحليهاا بس ما تستاهل صديقة الطفولة خخخخخ

والشرح شرحت والحمدالله أفتكيت منه.. والحركة البايخه أنه كان يسجل الصوت يعني ما يكفي أنه جدام البنات نشرح لازم تسجيل الصوت بعد.. والله حركاات ها السير.. بس والله طيب هاه الكيم ملر خبرته سالفة ربيعتي ولا حطاها أبسنت حتى بروحه ضحك خخخخخ

شكلي بروح أشوف مسلسل نور لأنه بيبدأ ع الساعة 11:00 بتوقيت العين على mbc4

والسموحه منكم ^^

تعال أحضني قبل سكرت الموت

تعال أنا بعطيك باقي حناني

أيام عمري معاك لحظات وتفوت

شوف يا خلي زماني رماني