مصير عيال المواطنات..

الحمدالله أموري ماشيه تمام في الجامعة..

يعني الاساتذة لحد ألحين OK

مير ما أدري ليش حاسه أني مب وياهم..هم في وادي وأنا في وادي خخخخ

وغير ذلك رمضان >> وحده كتير بتحب الأكل بالأصح بطينيه على قولتهم..

..

مينون اللي يسهر طول الليل ويكون عنده كلاس الصبح

بعده باقي كلاس وبروح البيت..

الله يمضيه على خير ولا أرقد لووول

..

.

أمس تابعت حلفة حاير طاير وصدمني الموضوع !!

أنصدمت يوم عرفت أن عيال المواطنات من الوافدين

صعب يحصلون على وظيفة؟

يعني هم عيال البطة السودة!!

وغير ذلك محرومين من وايد أشياء وامتيازات..

يعني شو ذنبها اذا خذت المواطنة غير مواطن؟

شو ذنب عيالها؟

نصيبها في الدنيا..تروح تنتحر يعني..

ما يعتبرون من عيال البلاد.. على الأقل من صوب أمهم..

ولا يعني حلال على المواطن ياخذ غير المواطنة وعياله يحصلون كل شئ اللي يبونه..

والمواطنة أدبر أمورها هي وريلها الوافد..

يا حبيبي!!

..

أقل شئ ممكن يوفرون لهم الوظائف..

أعتقد هذي تعتبر أبسط الحقوق اللي ممكن يحصلون عليها!!

تراهم دارسين في مدارسنا.. ومتخرجين من الجامعات بأعلى التقادير..

بعدني مب مصدقة.. ما أدر ليش مصدومة؟

..

بصراحة:

أنا أفتر راسي..

لأني أقول الأولوية للمواطنين عيال البلاد..

ومع ذلك أحس عيال الموطنات من حقهم بعد..

..

مجرد تساؤلات تسبح في فضاء أفكاري...

تأمل أن تجد لها أجابات تقنع فضولي..