دنيا نتخبط فيها..

++ امتحنت أول امتحان لي والحمدالله كان سهل..

بس أحسن أني خبصت في التوبيك اللي اخترها..

مع أنها أسهل وحده حسيتها..

وهذا راندي عاده خلص الدرجات وحطهن لنا..

والــ A شكلي ما يبتها حدي الـ B وبس.. ما أدري كيف برفع المعدل..

++ بعد نفس اليوم اللي كان عندي writing كان عندي تمثيل مسرحية خخخخ

ويخربيتها من مسرحية.. الامتحان الاول كان 8:00 الصبح مير التمثيل كان الساعة 7:15 المغرب

وقالي الاستاذ في الويه أونه الـ A ما بتحصلينها لأن عندج 4 غيابات..

يا حبيبي!!

وطلع يحاسب على الغيابات..بس أونه بحاول أرتب أمورج..

++ الثلاثاء اللي هو أول أمس كان عندي موعد التراي..

والله شوي وبصيح ويا راسه من شرطي..

أبويه وصلني المرور 6:40 عسب أخلص أوراقي..

فديته ما قصر رتب لي الموعد وقالي ترومين تخلصين أمورج قلت له هيه خلاص..

وراح هو دوامه..

حطيت أوراقي وبعد شوي الظابط ينادي أسمي أونه يلا روحي ركبي الباص.. طبعاً مع مجموعه من البنات بعد..

وصلنا لموقع المعركة..

نزلنا وعطت كل وحده فينا الدريول 25 درهم ..

ما واحيت أيلس وأهدي نفسي >> كنت الصراحه متروعه

ألا أسمع الظابط يقول فلانه بنت فلان

خيبه هذا اسمي وأول وحده بعد..

يا حبيبي!!

عيل صدق فلحنا..

وحليلي متروعه وسايره صوبه وقاعده أتذكر كيف يسون ريوس ما أذكر

كل شئ نسيته..

قلت حتى ما بعرف أشغل السياره : (

الحمدالله كانت تشتغل.. يلست..

يلست أفكر وين البترول وين البريك >> الحبيبه ما تذكر شئ

خلاف ضغط على البريك وحطيت على الــ R

ورفعت ريلي شوي شوي عن البريك مير السياره ما تريوس !!

شو صار؟؟

خلاف أنتبهت أني ما نزلت الهاند خخخخخ

المهم عرفت كيف ورجعت للخلف..

وشوي ياني الظابط وقال فلانه وين تبين ؟

شو ها السؤال في خاطري!!

قلت له أرويس..

قال ما جنج بدعمبن؟

قلت له ما أدري أنت تشوف أكثر خبرني >> وعلى نياتي بساعدني الريال..

مير قال رجعي بعدج شوي ورا..

ورجعت >> ما شاء الله علي أسمع الكلام..

وشوي صرخ قال هاااه دعمتي يلا حدري من السياره

وعاد أنا فاجه حلقي ما أعرف شو سالفه.. كيف ووين دعمت ما ادري..

ونزلت وطالع شو دعمت..

وياني شرطي غيره طيب مب هذا الشرير اللي خلاني مصخره..

قال من البدايه أنتي كنتي بدعمين وهو بغى يسوي سالفه لج.. روحي خذي ورقتج من هناك..

والله حسيت عمري ولا شئ..

ثاني مره أرسب ويا راسهم.. حتى ما خبرت أبويه ما لي ويه أقول له تعال ردني البيت أنا خلصت..

دقيت حق أختي وقلت لها تعالي المرور.. قالت عادج خلصتي قلت لها هيه..

أونه شوفي الساعه.. قلت لها هيه كنت أول وحده ورسبت بعد..

وعلى طول الطريق أونه خبريني كيف دعمتي..

تتمصخر علي ويا راسها..

++ خلصت أمس أمتحان بعد.. والحمدالله حليت كويس جداً

- تم حذف النص الموجود هنا بناءً من رغبة غروك وغيروك -

على كيفها تتشرط في البلوق مالي !!

++ أخر امتحان عندي يوم اليمعه والله يوفق اليميع..