مفترقات...

++ ما أحب حد يقولي أنتي مدمنة نت..
صحيح تلقوني طول الوقت على النت وهذا أنا أعترف..
مير السالفة أنه ماشئ شغل..
لكن يوم اتسكع في النت.. أتسكع في شئ مفيد..

::
++ أمس ربعيتي عويد البان محتشره أونه باجر اللي هو اليوم عندنا امتحان الفاينل --> ما ألومها مشفره الحبيبة
بس بعد ما تأكد من مصادري الخاصة طلعت أنا الصح وهي الغلط خخخخ
والحركة اللي قاهرتني فيها.. غالقة تلفونها !!
روعتني عليها.. قلت شئ صار لها..
وبعد يومين فتحت تلفونها وبكل برود قالت كسرت جهازي من الضيقة ولا فيني أحطي بطاقتي في الجهاز الثاني..
يا حبيبي!!
أنا اللي كنت متروعه عليها آخر شئ ترد علي بكل برود أعصاب..

::
++ الجميل في يوم اليمعة لمة الأهل..
طبعاً خلاص صار شئ ألزامي نتيمع على العصر وكل وحده بطبختها..
لا هو عشا ولا غدا هيور ^^
المهم نتيمع مره وحده في الأسبوع نعرف أخبار بعض..
أحس هذي الأيام الناس قلت زيارتها لبعض مب نفس أول..
كل حد ملتهي في دنياه..

::
++ ربيعتي الجوهر الصافي الله يقومها بالسلامة أن شاء الله >> حامل الأخت : )
أن شاء الله تخلص الفاينل وخلاف تربي..
قلت لها مسكي عمرج لحد ما تخلصين من هاا الأرف..
ما شاء الله عليها عندها إرادة قوية للدراسه وحتى هي حامل..
أدعوا لها تقوم بالسلامة ^^